Din don dan, din don dan: felicità,

‘stu suono sacro ce vo’ augura’.

L’armunia celeste d’’e ccampane

vo’ di’ a chi se professa cristiano,

can nun se pò continua’ a sciupa’

cchiù tiempe cu’ ‘a superficialità.

" Amàteve comme v’aggio amat’ io",

ce ripete o’ Risorto, ‘o Figlio ‘e Dio,

pecchè sulo accussì se pò purta’

‘ncopp’’ a via giusta chesta società.

A’ Pasqua è ‘na ricorrenza speciale

pp’’a rigenerazione spirituale.

Pirciò pigliamme ‘o curaggio a ddoie mane,

senza aspetta’, primm’oggi ca dimane,

p’accumincia’ chesta gara d’ammore,

magari cu’ nu supplemento ‘e core.

‘O munno aspetta ‘a nuie chistu signale,

pe’ pute’ véncere c’’o Bbene ‘o mmale!